Filialning barcha fakultetlarida tanishuv darslarining ikkinchi kuni qizg‘in davom etdi. 12-oktabr sanasida boshlangan an’anaviy o‘qishning ikkinchi kunida ham talabalar karantin qoidalariga qat’iy rioya qilingan holda kutib olindi. Auditoriyalarda ham ijtimoiy masofa saqlangan holda dars mashg‘ulotlari olib borilmoqda. Ilk o‘qish kunida talabalarga filial moddiy texnik bazasi, ta’lim resurslari va ulardan foydalanish haqida tushunchalar berilgan bo‘lsa, bugun unga qo‘shimcha ravishda ijtimoiy-siyosiy, ma’naviy-ma’rifiy soha bilimlari ulashildi.

Shuningdek talabalar bilan muntazam aloqani o‘rnatish masofaviy ta’lim davrida ularning ijtimoiy faolligini oshirish maqsadida 1-bosqich talabalari hamda “Amaliy matematika” fakulteti dekan o’rinbosari A.Parmonov, “Amaliy matematika va informatika” kafedrasi mudiri O.Qayumov, guruh murabbiylari Sh.Ulug'murodov, D.Xasanov, M.Tojiboyev, O.Pirimqulovlar bilan uchrashuv bo’lib o’tdi. Unda  guruhni qanday boshqarish va galdagi vazifalar haqida ma'lumot berildi hamda filial matbuot va axborot xizmati faoliyatlari bilan ham atroflicha tanishtirildi.