OʻzMU Jizzax filialida AQSHning Jorjiya davlat universiteti professori  David Chiesa  tomonidan “Onlayn (raqamli) makonda talabalarni jalb qilish strategiyasi: COVID-19 paytida tilni maqbul o'rganishni qo'llab-quvvatlash” mavzusida onlayn seminar oʻtkazildi.

2020 yilning 24 noyabr kuni soat 17.00 da Zoom dasturi orqali Mirzo Ulugʻbek nomidagi Oʻzbekiston Milliy universiteti Jizzax filiali “Xalqaro hamkorlik boʻlimi” hamda AQSHning Jorjiya davlat universiteti “Til va savodxonlik kafedrasi klinik yordamchisi”, onlayn “TESOL” dasturi koordinatori, ingliz tili bo’yicha mutaxassis David Chiesa hamkorligida “Onlayn (raqamli) makonda talabalarni jalb qilish strategiyasi: COVID-19 paytida tilni maqbul o'rganishni qo'llab-quvvatlash” mavzusida onlayn seminar boʻlib oʻtdi.

Seminarda  Ilmiy ishlar va innovatsiyalar boʻyicha direktor oʻrinbosari A.Axatov, Oʻzbek tili va adabiyoti kafedrasi oʻqituvchilari, ilmiy jamoa vakillari hamda talabalar ishtirok etishdi.

Onlayn seminar davomida ishtirokchilarga pandemiya davrida xorijiy tilni qanday oʻrganish kerakligi, til oʻrganishda yuzaga keladigan asosiy muammolar haqida tushuncha va tavsiyalar berildi. Shuningdek mutaxassis David Chiesa oʻz ma’ruzasida ingliz tilini qiyinchiliklarsiz oʻrganish uchun maxsus elektron  platforma (Flipgrid) va uning afzalliklari haqida aytib oʻtdi.

Seminar davomida oʻzaro fikr almashinuvlar boʻlib oʻtganligi, xorijlik mutaxassis tomonidan qiziqarli va foydali ma’lumotlar berilganligi ma’ruzaning oʻzaro mulohazaviy, yuqori darajadagi savol-javoblar asosida mazmunli oʻtishini ta’minlab berdi. Ishtirokchilar oʻzlarini qiziqtirgan barcha savollarga mutaxassisdan batafsil javob oldilar.Seminar yakunida David Chiesa barcha ishtirokchilarga oʻz minnatdorchiligini bildirdi va ular bilan elektron pochta manzillarini, telefon raqamlarini almashdi. U doimo filial va uning talabalari bilan doimiy virtual muloqotda boʻlishidan mamnunligini aytib oʻtdi.

Filial xalqaro hamkorlik boʻlimi.